Yn dilyn ein hadolygiad rydym yn falch iawn o rannu bod y gronfeydd yn ôl ar agor! A byddwch yn falch o wybod nad yw’r canllawiau ar gyfer y cronfeydd wedi newid, a byddwn bob amser yn ymdrechu i gefnogi cymaint o geisiadau cymwys sy’n bodloni’r meini prawf a amlinellwyd.
Pa welliannau eraill a wnaethom?
* Fe wnaethom wrando ar eich adborth ac rydym wedi lleihau faint o wybodaeth y gofynnwn i chi ei chwblhau wrth gyflwyno eich ffurflenni cwblhau.
* Rydym wedi creu canllawiau ychwanegol ar gyfer partneriaid celfyddydol sy’n dymuno cefnogi ysgolion sy’n cyflwyno ceisiadau i’n cronfeydd Ewch i Weld a Rhowch Gynnig Arni.
* Fe wnaethom ddiweddaru ein llythyrau cymeradwyo/gwrthod fel eu bod yn darparu gwybodaeth fwy defnyddiol wrth roi adborth am eich cais.
* Rydym wedi gwella'r broses ar gyfer rhyddhau taliadau. Bydd ymgeiswyr nawr yn derbyn taliad i'w cyfrif banc enwebedig o fewn 2 wythnos i fodloni amodau eu grant a derbyn eu dyfarniadau.
Roedd cau'r ddwy gronfa dros dro yn ganlyniad uniongyrchol i boblogrwydd cynyddol y cronfeydd. Yn ystod blwyddyn academaidd 2022/23 derbyniasom 375 o geisiadau am gyllid Ewch i Weld a Rho Gynnig Arni. Mewn cymhariaeth, yn ystod 2023/24 roeddem yn falch iawn o dderbyn 894 o geisiadau! Ond, fe sylweddolon ni ein bod ni dal ond wedi cyrraedd 48% o holl ysgolion Cymru, felly roedden ni’n gwybod bod mwy i’w wneud eto i wneud yn siŵr bod y cyllid sydd gennym ni’n cyrraedd mwy o ysgolion yng Nghymru a bod a bod cymaint o ddysgwyr â phosibl yn cael y cyfle i gael eu hysbrydoli a’u cyffroi gan y gorau sydd gan y celfyddydau mynegiannol yng Nghymru i’w gynnig, ble bynnag yng Nghymru y maent yn byw.
Fodd bynnag, mae yna adegau pan fyddwn yn derbyn mwy o geisiadau nag y gall ein cyllideb cyfarfod eu hariannu. O dan yr amgylchiadau hyn, rhaid inni wneud penderfyniadau anodd ynghylch pa geisiadau i'w blaenoriaethu. Byddwn bob amser yn edrych ar yr achos y mae ysgol unigol yn ei wneud dros gyllid, ond mewn rownd ariannu gystadleuol, byddwn hefyd yn ystyried gwybodaeth ychwanegol. Yn yr achosion hyn byddwn yn ystyried:
* Ysgolion nad ydynt wedi elwa o gyllid Dysgu Creadigol Cymru o'r blaen.
* % y dysgwyr eFSM (sy'n gymwys i gael prydau ysgol am ddim) yn yr ysgol.
* Canran y dysgwyr yn yr ysgol sydd eisoes wedi elwa o'n cyllid.
* Iaith y gweithgaredd i alluogi dysgwyr o bob cefndir i brofi celfyddydau yn yr iaith Gymraeg, yn ogystal ag yn ddwyieithog, yng Nghymru.
* Daearyddiaeth yr ysgol i hwyluso cyfleoedd cyfartal i holl ddysgwyr Cymru.
Gwyddom y bydd rheswm pob ysgol dros wneud cais i ni am gyllid yn wahanol a gall pob ysgol sy’n gwneud cais i ni barhau i gyflwyno achos dros gyllid i ddiwallu anghenion eu dysgwyr. Wrth gyflwyno achos byddem yn eich annog i beidio â chopïo a gludo deunydd marchnata i’ch cais, ond i ystyried yn wirioneddol pa wahaniaeth y bydd ein cyllid yn ei wneud i addysgu a dysgu yn eich ysgol.
Fel bob amser, rydym yn argymell darllen y canllawiau llawn i'n cronfeydd cyn gwneud cais. Er nad ydym wedi gwneud unrhyw newidiadau i'r canllawiau, byddwn yn edrych yn fwy gofalus ar yr achos a wnewch am gyllid felly byddwch yn ofalus wrth gyflwyno'ch cais.
Mae’r Gronfa Ewch i Weld yn cynnig grantiau gwerth hyd at £1,000 er mwyn caniatáu i athrawon mewn ysgolion a gynhelir yng Nghymru fynd â’u dysgwyr allan i weld celfyddydau o safon mewn lleoliadau ar draws Cymru. Gall athrawon ddefnyddio’r gronfa tuag at gost tocynnau a chludiant. Cynigir hyd at £1,000 i dalu hyd at 90% o gost ymweliadau ar gyfer dysgwyr 3-16 oed.
Pwrpas Ewch i Weld yw sicrhau bod y celfyddydau yng Nghymru’n agored i bob dysgwr. Er mwyn caniatáu i ysgolion fynd â dysgwyr allan o’r dosbarth i gael profiad o waith creadigol pobl eraill; a rhoi’r cyfle iddynt ymateb i a myfyrio ar gelfyddyd o safon uchel ledled Cymru.
Gall fod yn ymweliad i weld drama, dawns, cerddoriaeth, celf, gŵyl diwylliannol neu unrhyw brofiad celfyddydol arall o ansawdd uchel.
Dylai ffocws pob ymweliad fod ar weld celfyddyd o safon uchel yng Nghymru.
Pwy all ymgeisio?
Dim ond y canlynol gaiff gyflwyno ceisiadau Ewch i Weld:
- Ysgolion a gynhelir ar gyfer dysgwyr 3-16 oed yng Nghymru.
- Unedau cyfeirio disgyblion ar gyfer dysgwyr 3-16 oed.
Yn anffodus, ni allwn ddarparu ar gyfer ceisiadau gan ymgeiswyr o’r tu hwnt i ysgolion ac unedau cyfeirio disgyblion a gynhelir.
Gall ysgolion ac unedau cyfeirio disgyblion wneud cais i’r Gronfa Ewch i Weld fwy nag unwaith yn ystod y flwyddyn ond rhaid iddynt gyflwyno adroddiadau cwblhau cyn ailymgeisio.
Gwiriwch y canllawiau i gael rhagor o wybodaeth am gymhwysedd a'r hyn y gallwn ac na allwn ei ariannu.
Am fanylion pellach
Rydym yn argymell darllen y canllawiau llawn cyn cyflwyno'ch cais.
Os oes gennych unrhyw gwestiynau, croeso i chi gysylltu â ni.
E-bostiwch ni: dysgu.creadigol@celf.cymru
Dylech chi gyflwyno eich cais o leiaf 5 wythnos waith cyn dyddiad eich ymweliad. Rydym ni’n ceisio rhoi gwybod ichi am y penderfyniad mewn 4 wythnos o’r dyddiad cau.
Na allwn. Mae'r gronfa hon yn fodlon talu am docynnau a chludiant yn unig.
Na ellwch. Nod y gronfa yw talu am gost profiadau celfyddydol o safon na allai ddigwydd heb y grant hwn. Ar ôl clywed bod y grant wedi’i ddyfarnu ichi, gellwch brynu tocynnau os gall eich ysgol dalu am y tocynnau cyn derbyn yr arian ei hun yng nghyfrif yr ysgol. Ni fydd hynny’n broblem. Ond ni allwn ariannu gweithgarwch sydd eisoes wedi’i gynllunio neu sydd eisoes yn digwydd. Ni allwn ariannu’n ôl-weithredol brofiadau Ewch i Weld.
Fel rheol, na allwch. Nod yr arian yw cael disgyblion i brofi celfyddyd o safon mewn lleoliadau celfyddydol o safon y tu allan i'r ysgol. Ond dan amgylchiadau eithriadol lle gallwch nodi'n glir pam y byddai raid i’r profiad celfyddydol o safon ddigwydd yn yr ysgol, mae’n bosibl y gallai’r panel ystyried rhoi grant ichi.
Peidiwch ag anfon yr arian cyfatebol yn uniongyrchol atom. Disgwyliwn i’r arian cyfatebol o 10% ddod o arian yr ysgol, costau mewn nwyddau neu arian a godir, er enghraifft.
Nid yw hyn yn eich atal rhag gwneud cais, ond dylai eich cais nodi pryd rydych chi’n rhagweld y bydd yr ymweliad yn digwydd.
Gall. Gall unrhyw ysgol a gynhelir ymgeisio am grant Ewch i Weld.
Na allwch. Mae'r rhaglen wedi'i chlustnodi ar gyfer plant oedran ysgol, o oed meithrin hyd at 16. Ni allwn ni ariannu addysg ôl-16, gan gynnwys colegau addysg bellach a'r chweched dosbarth.
Gallwch, gallwch wneud cais am grantiau lluosog o hyd at £1,000 trwy gydol y flwyddyn academaidd. Ond dim ond un grant y gallwch chi ei agor ar y tro. Rydym yn croesawu ceisiadau yn arbennig gan ysgolion nad ydynt wedi ymgysylltu â'r gronfa.
Bydd angen i chi gofrestru'ch ysgol ar ein porth ar-lein cyn llenwi ffurflen gais. Ar ôl i chi gofrestru ar y porth ar-lein byddwch yn gallu cyrchu'r ffurflen gais. Rydym yn argymell eich bod yn cofrestru'ch ysgol ar ein porth o leiaf 5 diwrnod gwaith cyn eich bod yn dymuno cychwyn eich cais.
Os oes angen cymorth pellach arnoch i gyrchu'r porth ar-lein, cysylltwch â ni trwy: 03301 242733 (llinell gymorth) pob galwad a godir ar brisiau lleol neu e-bostiwch: dysgu.creadigol@celf.cymru
To access the application form you will need to have registered on the online portal.
We recommend that you register at least 5 working days before you wish to start your application. Once you have received your login details, you can use these to access all Creative Learning Cymru application forms and will not need to re-register when you want to apply again.
If you require further assistance in accessing the online portal, please contact our Grants and Information team: grants@arts.wales